Monday, April 18, 2016

रामकृष्ण हरि.!!
कामदा एकादशीच्या शुभेच्छा.!!
आनंदे नाचत पंढरीसी जाऊ |
गीती गुण गाऊ विठोबाचे ||
पंढरी पावन पुण्यभूमी जाणें |
विठ्ठल दर्शनें दोष जाती ||
आनंदे हो प्रेमे नाचू महाद्वारी |
आठवू अंतरी घडोघडी ||
आम्हां वैष्णवाचा कुळधर्म कुळीचा |
घोष हरिनामाचा सदा वाचें ||
विठा नामयाचा चरणी झाला लीन |
सापडले धन विटेवरी ||
मानामान किती ।
तुझ्या क्षुल्लका संपत्ती ॥1॥
जा रे चाळवीं बापुडीं ।
कोण्ही धरितील ते गोडी ॥2॥
रिद्धीसिद्धी देसी।
आम्ही चुंभळें नव्हों तैसीं ॥3॥
तुका म्हणे ठका ।
ऐसें नागविलें लोकां ॥4॥
धरियेलीं सोंगें । येणें अवघीं पांडुरंगें ॥1॥
तें हें ब्रह्म विटेवरी । उभें चंद्रभागे तिरीं ॥ध्रु.॥
अंतर व्यापी बाहे । धांडोिळतां कोठें नोहे ॥2॥
योगयागतपें । ज्याकारणें दानजपें ॥3॥
दिले नेदी जति । भोग सकळ ज्या होती ॥4॥
अवघी लीळा पाहे । तुका ह्मणे दासां साहे ॥5॥

Sunday, April 17, 2016

कामदा एकादशीच्या हार्दिक शुभेच्छा.!!
आनंदे नाचत पंढरीसी जाऊ | गीती गुण गाऊ विठोबाचे ||
पंढरी पावन पुण्यभूमी जाणें | विठ्ठल दर्शनें दोष जाती ||
आनंदे हो प्रेमे नाचू महाद्वारी | आठवू अंतरी घडोघडी ||
आम्हां वैष्णवाचा कुळधर्म कुळीचा | घोष हरिनामाचा सदा वाचें ||
विठा नामयाचा चरणी झाला लीन | सापडले धन विटेवरी ||
 

Saturday, April 16, 2016

कापुराचे थलीव ।
नुरेचि आगीची बरव ।
नुरेचि रूप नाव ।
तैसे यया ।।
🍀श्रीज्ञानदेव म्हणतात की कापुरापासून सुंदर अलंकार केले की त्या कोरीव अलंकारांच आपण कौतुक निश्चितपणे करतो .ते अलंकार अग्नीच्या सहवासात आले नाहीत तोपर्यंत कापुराच्या अलंकाराचं वैभव नेत्र अनुभवत राहतील. ते अलंकार वाणीचा विषय ठरतील .पण एक लक्षात घ्या की त्या कोरीव अलंकारांना एकदा का ज्वालेने आलिंगन दिले की ज्वाला क्षणभर देखणी दिसेल आणि ते कोरीव अलंकार अग्नीमध्ये विरघलून जातील .त्या कापुराच्या अलंकारांची लहानशी भस्मखूण सुध्दा मागे शिल्लक रहाणार नाही. तसेच शिष्य जेव्हा सद्गुरूंच्या सहवासात येतो, सद्गुरू आपल्या परमशिष्याला जेव्हा गाढ आलिंगन देतो तेव्हा तो परमशिष्य सद्गुरुमय होऊन जातो .शिष्याच्या नामाची नावनिशाणीसुध्दा मागे रहात नाही .सद्गुरू त्याला नामविरहित करून टाकतो . श्रीज्ञानदेव म्हणतात की शिष्य हा नामस्मरणात दंगझाला आहे , नामस्मरणात तेजालून उठतो आहे हे सौंदर्य वैभव आजूबाजूच्या लोकांना तोपर्यंतच आश्चर्याचा विषय होईल जोपर्यंत शिष्य सद्गुरूत विलिन झाला नाही ..... म्हणजे देखणा कापूर आणि नामरूपात चमकणारा शिष्य ह्यांचे अस्तित्व भुलवते हे खरे आहे .परंतु अस्तित्वरहित होणे हा दोघांचाही मूलत: गुणधर्मच आहे .
देहभाव आह्मी राहिलों ठेवूनि । निवांत चरणीं विठोबाच्या ॥1॥
आमुच्या हिताचा जाणोनि उपाव । तो चि पुढें देव करीतसे ॥ध्रु.॥
ह्मणउनी नाहीं सुख दुःख मनीं । ऐकिलिया कानीं वचनाचें ॥2॥
जालों मी निःसंग निवांत एकला । भार त्या विठ्ठला घालूनियां ॥3॥
तुका ह्मणे जालों जयाचे अंकित । तो चि माझें हित सर्व जाणे ॥4॥
देहभाव आह्मी राहिलों ठेवूनि । निवांत चरणीं विठोबाच्या ॥1॥
आमुच्या हिताचा जाणोनि उपाव । तो चि पुढें देव करीतसे ॥ध्रु.॥
ह्मणउनी नाहीं सुख दुःख मनीं । ऐकिलिया कानीं वचनाचें ॥2॥
जालों मी निःसंग निवांत एकला । भार त्या विठ्ठला घालूनियां ॥3॥
तुका ह्मणे जालों जयाचे अंकित । तो चि माझें हित सर्व जाणे ॥4॥