Tuesday, April 12, 2016

शांत हो श्रीगुरुदत्ता मम चित्ता शमवी आतां ||धृ.||
तूं केवळ माता जनिता सर्वथा तूं हितकर्ता || तूं आत्मस्वजन भ्राता सर्वथा तूंची त्राता ||चाल|| भयकर्ता तूं भयहर्ता दंडधर्ता तूं परिपाता || तुजवांचुनि न दुजी वार्ता तूं आर्ता आश्रय दत्ता ||१|| शांत हो०||
पराधास्तव गुरुनाथा जरि दंडा धरिसी यथार्था || तरि आम्ही गाऊनि गाथा || तव चरणी नमवूं माथा ||चाल|| तूं तथापि दंडिसि देवा हो || कोणाचा मग करू धांवा || सोडविता दुसरा तेंव्हां || कोण दत्ता आम्हां त्राता ||२|| शांत हो०||
तूं नटसा होउनि कोपी दंडताहि आम्ही पापी || पुनरपि चुकता तथापि || आम्हावरी नच संतापी ||चाल|| गच्छत: स्खलनं क्वापि || असे मानुनि नच हो कोपि || निजकृपालेशा ओपी || आम्हावरी तूं भगवंता ||३|| शांत हो०||
तव पदरी असतां ताता आडमार्गी पाऊल पडतां || सांभाळूनि मार्गावरता || आणिता न दुजा त्राता ||चाल|| निजबिरुदा आणुनी चिता || तूं पतितपावन दत्ता || वळे आतां आम्हां- वरता || करुणाघन तूं गुरुनाथा ||४|| शांत हो०||
सहकुटुंब सहपरिवार दास आम्ही हे घरदार || तव पदी अर्पू असार || संसारा हित हा भार ||चाल|| परिहरिसी करुणासिंधो || तूं दीनदयाळ सुबंधो || आम्हां अघलेश न बाधो || वासुदेव प्रार्थित दत्ता ||५|| शांत हो० ||

No comments: